انا و العذاب و هواك - محمد عبد الوهاب

أنا والعذاب وهواك ـ عايشين لبعضينا

آخرتها ايه وياك ـ يا اللي أنت ناسينا

عهد الهوي صنته وعمري ـ ما خنته ولا بعت أيامه

في حبي خبيته وبقلبي ـ غنيته وعشقت أنغامه

وقلت أغني ـ وياك يا قاسي

بعدت عني ـ وفضلت أقاسي

واحتار شبابي معاك ـ والوجد فاض بينا

صابر وباستناك ـ والصبر موش لينا

آخرتها ايه وياك ـ ياللي انت ناسينا

أهل الهوي مساكين صابرين ومُش صابرين وبيحسدوا الخالي

أصل الهوي غدار فيه القلوب تحتار ما للهوي وما لي

يا اللي بحبك ـ حيرت حبي

طاوعت قلبك ـ لاوعت قلبي

واحتار شبابي معاك ـ والوجد فاض بينا

صابر وباستناك ـ والصبر مش لينا

آخرتها ايه وياك ـ يا اللي انت ناسينا

عيني علي عيونك والرمش في جفونك قادر وظالمني

عينيك بتتكلم والرمش بيسلم وانت مخاصمني

وفى كل نظرة ـ شايف غرامك

ولا قلت مرة ـ سبب خصامك

واحتار شبابي معاك ـ والوجد فاض بينا

صابر وباستناك ـ والصبر مُش لينا

آخرتها ايه وياك ـ يا اللي انت ناسينا