يا قلبى كفاية دق - فريد الاطرش

يا قلبي كفاية دق مادام حبيبك رق

عينيَّ قالت أيوا وانت بتقول لي لأ

البعد لما طال وخلى اليوم يومين

ما كانش لك سؤال غير فين حبيبي فين

و لما الحلو جاني وارتاح الفكر تاني

ليه عيني مصدقاني وانت بتقول لي لأ

يا قلبي كفاية دق

يا واخد عالقسية يعني وبعدين معاك

في القرب هي هي ومحيرني ف هواك

صدفة ومن غير ميعاد لقيته حبي زاد

نسيت عيني السهاد وايشمعنى انت لأ

يا قلبي كفاية دق

حلاوة الحب ايه غير عين تناجي عين

ونخاف من بكرا ليه فين احنا وبكره فين

اتهنى معاه وغني واسعدني بقربه مني

ده الحب يوم يهنّي ياقلبي وعشرة لأ

يا قلبي كفاية دق