اوقاتى بتحلو - وردة الجزائرية

أوقاتي بتحلو .. بتحلو معاك
وحياتي .. تكمل برضاك
وبحس بروحي بوجودي .. من أول ما بكون وياك
وياروحي .. ساعة ملاقاك
مش بس أوقاتي بتحلو .. دي العيشة والناس والجو
والدنيا بتضحكلي .. بتضحكلي معاك

من كتر حلاوه الايام .. ونعيمي وسعدي بلياليك
مش بحسب فات منهم كم .. ولا بقدر افكر غير فيك
واليوم وياك يساوي زمان
واكتر يزمان من مية بكره ..
دا الليل بلقاك انوار وامان
حتى ولو كان من غير قمره ..

انا بيك على طول دايماً مشغول .. بحلم وبجول وبغني واقول
أوقاتي بتحلو .. بتحلو معاك
وحياتي .. تكمل برضاك
وبحس بروحي بوجودي .. من أول ما بكون وياك
وياروحي .. ساعة ملاقاك
مش بس أوقاتي بتحلو .. دي العيشة والناس والجو
والدنيا بتضحكلي .. بتضحكلي معاك

الله ع الحب لما يوفق بين قلب وقلب
ويخلي القرب شعور ثاني احلى من القرب
وانا جنبك بنسى ان الدنيا .. فيها ناس قاسيين 
وفيها عذاب هجر وشكوى .. بين العاشقين
وبشوف ان العالم كلو .. العالم كلو كلو محبين 

وان جاني حسود في هواك وعزول .. يقول ويعيد حسيبو يقول
وانا اخاف من ايه.. وانت معايا
والعالم ايه العالم ايه .. ما انتا كفايه
وياروحي .. ساعة ملاقاك
مش بس أوقاتي بتحلو .. دي العيشة والناس والجو
والدنيا بتضحكلي .. بتضحكلي معاك

يا سلام يا سلام لما الأيام تضحك وتروق
والحب لما بيحيي الأرواح مع كل شروق
وانا بلمح بكره معاك فتان مليان افراح
وجمال اشكال والوان

وانت اللي بتدي القلب النور .. وتخلي نجوم لياليا تدور 
وبتملى حياتي ورود وزهور ..
وانا اخاف من ايه.. ما انتو معايا 
والعالم ايه العالم ايه .. ما انتو كفايه 
وياروحي .. ساعة ملاقاك
مش بس أوقاتي بتحلو .. دي العيشة والناس والجو
والدنيا بتضحكلي .. بتضحكلي معاك